Lo sorelh que huegè tà darrèr d’ua pena
E lo som deus avets, tant per tant que’s vedè
Lo zefir amorós de sa fresqueta alena
Balejava las flors tà mieitat deu terrèr.
Un pastoret fidèu tau corrau que baishava
Lo caçador tanben sortiva deus camons
La lua per degrès au som deu cèu pujava
Qu’èra l’òra deus amorós.
L’angelus qu’a sonat
E non i es pas enqüera
Au pè de l’arbolet
De nos dus tant aimat.
Sovien-te que’m disès
Qu’i serèi la purmèra
E m’averés trompat
O cruela beutat ?
Segut au pè d’un vèrn, près d’ua aiga pasibla,
Demoravi praubet, la qui credí m’aimar
A mon amna lavetz langorosa e sensibla
L’amor disè tostemps ara qu’arriberà,
L’airolet s’ei lhevat, hasè càder la huelha
Que tremblava l’azur de l’arriu estelat
Un murmuret confús pujava a mon aurelha
N’aví jamei tant escotat.
Mes portant qu’arribè tau com l’ombra leugèra
Com l’auseron crentiu güeitat per l’esparvèr
Jamei non la vedoi tan gentilha e tan bèra
Que tremblava d’amor com la flor deu rosèr
Dehens un capulet que s’èra amantolada
De paur que nat lugran, gelós de sa splendor
N’avosse pas anat per tota la contrada
Racontar tot lo noste amor.
L’angelus qu’a sonat
Mes qu’i es arribada
Au pè de l’arbolet
De nos dus tant aimat.
Que m’avès prometut
Qu’i serés la purmèra
O non m’as pas trompat
O graciosa beutat.
-----------------------
Le soleil fuyait derrière la crête
Et la cime des sapins paraissait à peine
Le zéphyr amoureux de sa fraîche haleine
Balayait les fleurs jusqu’à moitié coteau.
Un berger fidèle descendait au bercail
Le chasseur aussi sortait du bocage
La lune par degrés montait dans le ciel
C’était l’heure des amoureux.
L’angélus a sonné
Et tu n’es pas encore
Au pied de l’arbrisseau
De nous deux tant aimé.
Souviens-toi, me disais-tu
J’y serai la première
M’aurais-tu trompée
O cruelle beauté ?
Assis au pied d’un aulne, près d’une eau paisible
J’espérais pauvret, celle que je croyais aimer
C’est alors qu’à mon âme langoureuse et sensible
L’amour disait tout le temps maintenant elle va arriver.
L’air léger s’est levé faisant tomber la feuille
Dans le ruisseau d’azur tremblaient les étoiles
Un murmure confus montait à mon oreille
Jamais je n’avais tant écouté
Mais, pourtant elle arriva comme une ombre légère
Telle un oiseau craintif guetté par l’épervier
Jamais je ne la vis si gentille, si belle
Elle tremblait d’amour comme la fleur du rosier
Dans un capulet elle était drapée
De peur qu’un astre jaloux de sa splendeur
N’ait raconté dans toute la contrée
Tout notre amour.
L’angélus a sonné
Mais tu y es arrivée
Au pied de l’arbrisseau
De nous deux tant aimé.
Tu m’avais bien promis
J’y serai la première
Tu na m’a pas trompée
O gracieuse beauté.