Miquèu Baris ; Bernat Dubarry
Cau caminar longtemps sus un sendèr de tèrra,
Sautar hòrt de varats e traversar pinhadars,
Que cau longtemps cercar en abracar heuguèras
Abans de descobrir totun au lonh la mar.
Que cau caminar longtemps a travèrs la heuguèra
Tà trobar lo camin qui mena entà la mar…
Que cau devath la ploja e lo gran vent d’autan
Marchar lo cap baishat, las espatlas plegadas,
Aténder que lo tron caçat per l’arcolan
Hèsi plaça au cocuth en enténer l’aubada.
Que cau plegar l’esquia quan monta la tonida
Se vòu lhevar lo cap quan luseish l’arcolan…
E hòrt longtemps que cau, tristament, solitari,
Esperar maugrat tot e puish barrar los uelhs
Davant tan de malurs, davant tan de misèras,
S’un jorn vòu arribar a estar plan urós.
Oc, que cau esperar, maugrat totas las guèrras
Que doman serà hèit d’autas causas que de plors ! …
---------------------------------------------
Il faut marcher longtemps sur un sentier de terre,
Sauter des fossés et traverser des pinèdes,
Il faut longtemps chercher en évitant les fougères.
Avant de découvrir enfin au loin la mer.
Il faut marcher longtemps à travers la fougère
Pour trouver le chemin qui mène à la mer.
Il faut dessous la pluie et le grand vent d'autan.
Marcher la tête baissée, les épaules pliées,
Attendre que le tonnerre chassé par l'arc-en-ciel
Fasse place au coucou en entendant l'aubade.
Il faut plier le dos quand monte le tonnerre.
Lever la tête quand luit l'arc-en-ciel.
Et fort longtemps il faut, tristement, solitaire,
Attendre malgré tout et puis fermer les yeux
Devant tant de malheurs, devant tant de misères,
Si un jour veut arriver à être bien heureux.
Oc, il faut espérer, malgré toutes les guerres
Que demain sera fait d'autres choses que de pleurs.