Roger Mur
Que sòi Bigordan hilh de nosta tèrra
Aimable e cortès d'aquèra raça fièra
Suu noste bèth cèu qu'aimi sovent cantar
Eths amors, amistat, bonur e libertat.
Era mia vita de pastor
N'èra que hèra de viatges
Era sharpa plena d'amors
De bonur, pan vin e hromadge.
Devant eths tropèths per sendèrs
Eras vilas e vilatges
Cantavi arrepics per milèrs
Entà desvelhar eth paisatge.
Amorós de Brel e Ferrat
De Moustaki o Sand Bara
Ena faiçon Brassens canti
Sovenirs seriés o coquins.
Canti dab sensibilitat
Tots eths amors e amistats
Era montanha e suas bèutats
Tanben era patz e libertat.
Que sòi un oelhèr shens oelhas
Cap eth desbremb vòi montanhar
Un estilò qu'ei mié baston
Eth mié bèth tropèth n'ei que mots
Que riman a travèrs eths coplets
Coma truquen eths esquerets
De cap Baroda o Bugatet
Aths còths deras oelhas e anhets.
Ena lustar aths quate vents
Que partirèi un bèth moment
Que partirèi ath paradis
De cap Port Vielh o per Garlitz
Sus eth mié cap qu'a plan nevat
Bethlèu er 'ivern venguerà
Ena neror aths quate vents
Veirèi james d'autes printemps.
Adishatz a totis.
-----------------------------
Je suis bigourdan fils de notre terre
Aimable et courtois de cette race fière
Sous notre beau ciel j'aime souvent chanter
L'amour, l'amitié, bonheur et liberté.
Ma vie de berger
N'est que de nombreux voyages
La musette remplie d'amour
De bonheur, pain, vin et fromage
Amenant les troupeaux par les sentiers
Les villes et les villages
Je chantais des refrains par milliers
Pour réveiller le paysage.
Amoureux de Brel et Ferrat
De Moustaki ou Sand Bara
A la façon de Brassens je chante
Des souvenirs sérieux ou coquins.
Je chante avec sensibilité
Beaucoup d'amour et d'amitié
Les montagnes et leur beauté
Mais aussi la paix et la liberté.
Je suis un berger sans brebis
Qui va transhumer vers l'oubli
Mon bâton est mon stylo
Et mon troupeau n'est que des mots
Qui riment à travers les couplets
Comme résonnent les clochettes
Du côté de Baroude ou Bagatet
Aux cous des brebis et des agneaux.
Dans la lumière aux quatre vents
Je partirai un beau moment
Je partirai au paradis
Du côté de Port Bielh ou vers Garlitz
Sur mes cheveux il a bien neigé
Bientôt l'hiver va arriver
Dans les ténèbres aux quatre vents
Je ne verrai plus aucun printemps.
Au revoir à tous!