Lo sorelh que huegè tà darrèr d’ua pena
E lo som deus avets, tant per tant que’s vedè.
Lo zefir amorós de sa fresqueta alena
Bailejava las flors tà mieitan deu terrèr.
Un pastoret fidèu tau corrau que baishava
Lo caçador tanben sortiva deus camons,
La lua per degrès au som deu cèu pujava:
Qu’èra l’òra deus amorós.
L’angelus qu'a sonat e non i es pas enqüera
Au pé de l'arbolet de nos dus tan aimat.
Sovién-te que'm disès: " Qu'i serèi la permèra!"
E m'averés trompat, O cruèla beutat?
Segut au pè d’un vèrn, près d’ua aiga pasible
Demoravi praubet, la qui credi m’aimar.
A mon amna lavetz langorosa e sensibla
L’amor disè tostemps "ara qu’arriberà!"
L’airolet s’ei lhevat, hasè càder las huelhas,
Que tremblava l’azur de l’arriu estelat,
Un murmuret confús pujava a mon aurelha,
N’aví jamei tant escotat.
Mès portant qu’arribà tau com l’ombra leugèra
Com l’auseron crentiu güeitat per l’esparvèr
Jamei non la vedoi tan gentilha e tan bèra,
Que tremblava d’amor com la flor deu rosèr.
Dehens un capulet que s’èra amantolada
De paur que nat lugran, gelós de sa splendor,
N’avosse pas anat per tota la contrada
Racontar tot lo noste amor.
L’angelus qu'a sonat mès que i ès arribada
Au pé de l'arbolet de nos dus tan aimat.
Que m'avès promtut qu'i serès la permèra.
QU’I SEREI LA PURMERA
O non m'as pas trompat, o graciosa beutat!
-------------------------------------
Le soleil fuyait derrière une colline
Et la cime des sapins paraissaient à peine
Le zéphyr amoureux de sa fraîche haleine
Balayait les fleurs jusqu’à moitié coteau.
Un berger fidèle descendait au verger
Le chasseur aussi sortait du bordures
La lune par degrés montait dans le ciel
C’était l’heure des amoureux.
L’angélus a sonné, tu n'y es pas encore
Au pied de l'arbuste tant aimé de nous deux.
Souviens-toi, tu me disais: "J’y serai la première!"
M’aurais-tu trompé, ô cruelle beauté?
Assis au pied d’un saule, près d’une eau paisible,
J’attendais pauvre, celle que je croyais m'aimer
A mon âme alors sa langoureuse et sensible
L’amour disait tout le temps maintenant elle va arriver!"
La brise s'est levée, elle faisait tomber les feuilles.
Le bleu du ruisseau étoilé tremblait,
Un petit murmure confus montait à mon oreille.
Jamais je n’avais tant écouté.
Mais pourtant elle arriva comme une ombre légère
Comme l'oiseau craintif guetté par l’épervier
Jamais je ne la vis si gentille et si belle
Elle tremblait d’amour comme la fleur du rosier
Dans un capulet elle était drapée
De peur qu’un astre jaloux de sa splendeur
Ne fut allé par toute la contrée
Raconter tout notre amour.
L’angélus a sonné mais tu y es arrivée
Au pied de l'arbuste de nous deux tant aimé.
Tu m'avais promis que tu y serais la première
O tu ne m'a pas trompé Ô gracieuse beauté!