L.Porte-Labit( 1891)
Cantem pastous d’era mountagno
Cantem et nouste sort hurous
Et ceou flourech era campagno
De souns presents, sas beros flous
Sus aquero bero berduro
Ban peche es noustes agnets
Et sou renime’ra naturo
Que caou canta caouques bersets (bis)
Era laoudetto maytinello
Ranim’et païs de soun chant
Ta desbelha ra pastourello
E tabe u pastouret charmant
Anat, dits era messatyero
Pastous, anat tira ets moutous
Era mountagno que dè bero
Era terro croubido de flous (bis)
Anats troupets ena mountagno
Anat peche en libertad
A trabes aquero campagno
En aquet endret admirat
O bet païs, bero ribero
Bero mountagno det Saousset
Despuch et soum der’Estibero
Pertout que pouss’et sarpouret (bis)
Ah’ ! quin plase, quin allegrio
D’esta pastous dab et bet temc
Dessus era yerbo flourido
Bibem toustem hurous, countems
Ataou cantaben u bet dio
Dus ou tres youens arroubadats
En uo mountagno cherido
Des troupets noun heben nat cas (bis)
Mes tout feneich ena tristesso
Hurous plases e atye d’or
Era brume dab arrudesso
Que fletrech eras flous d’abor
Era yelado, era froiduro
Era neou et sues glacous
Era soumbre tenperaturo
Qui trouble et bounhur d’ets pastous (bis)