C.Despourrins (1698-1759)
« Bon t’esta , pastourète
Las aulhes d’aci’nçà ?
Noù se ten bon boudya
D’este couméte,
De tout lou die d’oé
Noù hèn arré.
-Nou hèn, certes, pas goayre !
Si,’n aquèste moument,
De-cap acét penent
Courren coum l’àyre,
Noù las pòdi bira
Jamey ta’nça.
-Digues-me, pastourète,
Perqué m’as deslechat ?
Despuch l’estiu passat,
Douce Brunète,
Nou-n as poudut goarda
Dab you bestia.
-Aco soun lous de case
Qui-m pribe de bié aci,
Sost pène de-m heri,
M’en an miassade,
D’en ha sorte d’amous
Sustout dab bous.
-D’aquère yent maudite
Qui’t pribe de bié aci !
Au claus de Sent Sabi
Bau da ma bite,
Pensant à mas amous
Hounent en plous.
-Quoan passiey dab l’aulhade,
Cap-sus d’aquet tuquet,
Harat dab lou berret
Bère coulade,
Dirat bèt ayroulet
Dous qui sabet. »