La Janetou, ta-lèu qui s’ey lhebade
Au sou marit que-b a balhat l’aubade,
Lou Menicou, droumibe coum u mourt,
Lou praube d’et, au mens s’ère estat sourd !
-Gran feniant, gran galiè,
Bos parti ta l’ateliè !
Ibrougnas ! gourrinè !
Que-m dèches chens u dinè !
Audit lou mèrle qui cante, qui siule,
Audit lou mèrle qui canta cla.
Lou Menicou n’ayme pas las senténces,
Que s’a perdutn à la fi, las paciènces,
Saute dou lheyt e se-t gahe u barrot,
E, pim e pam ! Que truque tant qui pot.
-Tu n’auras, jou n’aurèy !
En bos mey, que t’en darèy,
Bos encoè dus tougnats,
Lheù que-m fouteras la pats !
Audit lou mèrlou.
La Janetou, ablade e macade,
L’ômi lhebat, au lheyt s’en hey tournade,
E lou marit, per tant qui la prega,
D’u quinzenat nou la-n poudou tira.
-Que credès, praube gus,
Que m’aboures lou dessus ?
Qu’as hèyt da Jan-dou-bosc,
Hè-t la soupe si la bos !
Audit lou mèrlou.
Lou Menicou, sec, estadit e màgre,
Tout aquet temps que pichabe binàgre ;
B’aberé pla finit per l’estrangla,
Mes n’abè pas nat so ta l’enterra.
-Malurous Menicou,
Nou poudè que minja « chou ».
B’aberé mey balut
Dou lheyt qu’estesse cadut !
Audit lou mèrlou.