Là-Haùt, sus la moutagne..

Despourrins
1-Là-Haùt, sus la moutagne u pastou malhurous
Segut aù pè d’u haù, negat de plous
Soujabe au cambiamen de sas amous.

2-Cô leuyè, cô boulatye, disè l’enfourtunat
La tendresse e l’amou qui t’ey pourtat
Soun aco lous rebuts qui ey méritat !

3-Despuch qui tu fréquentes la gén de coundiciou
Qu’as près u ta haut bol que ma maysou
N’ey prou haute enta tu d’u cabirou

4-Tas aulhes dab las lies nou’s degnen plus mescla
Touns superbes moutous dèspuch ença
Nou s’approchen deus mies qu’en ta’ùs tuma.

5-De richesse me passe, d’aunous, de qualitats
You nou souy qu’u pastou, mes nou n’y a nat
Qué n’ous surpassi touts en amistat.

6-Encoere qué sié praube, dens moun petit estas
Qu’aymi mey moun beret tout espelat
Que nou pas lou plus bet chapeu bourdat.

7-Las richesses deù mounde neu hén que da turmen
E lou plus bèt seignou dab soun aryen
Nou bau pas lou pastou qui biu counten.

8-Adiu cô de tigresse, pastoure chens amou
Cambia, be pots cambia de serbidou
Yamey n’oun troubéras u taù coum you.

Répic :
Pots cambia, cô de tigresse
Pots cambia de serbidou
Nou yamey, noun trouberas (bis)
Gn’aute coum you.

Fermer