Que soy paysa


(Baudorre)

Qué soy paysa, rey de la terra
Que l’arrousi de mas sudous
La bouna terra neuriçèra
Oùn plaa coum n’ats biben urous,
Quoan la laudeta au punt d’où dia
Canta gauyousa hens d’où souv,
You tabe soy dehens ma bia
Ta tribalha dinqu’au soù couc.

Permou qu’en bau per las passadas
Dab lous esclops herrats de claus
Qu’ey las culottas pedassadas
E souben marchi pè descaus
Qu’ausques peguilhas de la bila
Hestayres ou mniya quoan n’as
Que creden segout-im la bila
En m’aperam lou paysanas.

Praubots, trima chens cès ni pausa
Debat la plouya ou lou sourelh
Aco moun Diou, n’ey pas gran causa
You qu’ey bou bras, bou pè, boun ouelh
Ta la cabessa, enta la dalha
Ta la piqua, ta l’arrestet
Troubat-me moussurotqui-m balhe
Pensa-y are, béroy caddet.

Mes quoan bien l’ora de la taula
Ah, n’oum hey pas prega tapoc
Si-n’y a qu’an l’appétit drin aule,
You que soy toustem bouharoc.
Bouna tarissa de garbura
Bera goudala, au-mens quoan-n’y a
U troussicot de mascadura
Dessus u gran, quilhou de pâ.

Qué soy paysa, rey de la terra
Que l’arrousi de mas sudous
La bouna terra neuriçèra
Oùn plaa coum n’ats biben urous.
Nou déchi pas souben ma bia
Que tribalhi dinqu’au soù couc
Mes la laudeta au punt d’où dia
Ta tou que canta hens d’où souy.

Fermer