Alexis Arette-Lendresse
Sus lou gléré dou bord dou gabe
Oun ban reba tant de galans,
L’amou qu’abé sabut esmàbe
Lou printemps dous noustes quinze ans
Dab ue plume de laudéte
Sus u crech d’esquillot barous
Tous dus que lancèm sus l’ayguète
La barque de noustes amous…
Y yoc de maynadye
Yuste abans que lou briu
Nou-n sé mie à l’adye
De l’estiu.
Countre you sarrade
Coum ta cerca l’assès,
Au crech en anade
Qué disès :
« Petit bachèt séguech lou Gabe
Sus lou briu qui cante a tout dous
Qu’arré yamey, yamey nou-t’trabé :
Qu’és lou bachèt de mas amous !
Bé-t’en décap a la ma grane,
Passe lou boucau de l’Adou
E dits a l’aygue soubirane
Dé qu’ey mey gran lou nouste amou… »
L’amou dou yoen àdye
Qu’ey praube mariné
Nou sey quin auràdyé
M’oun pané..
Maynade innoucénte
Gouyate qu’as hoégut,
Lou maü que-m turmente
Puntagut…
Sou bord dou Gàbe qui bribabe
Qué souy tournat soulet, permou
Dou mé saùney qui s’embarquabe
D’aquiu ta las iscles d’Amou..
Lou temps qui-n ba tout que-n s’at pane
Le flou, lou rèbe e la yoentut…
E tout petit sus la ma grane,
You qu’ey plourat l’amou pergut…