Guilhot, riche de trente crabes,
Cade mati bien a Mugrou
Cassan daban et las mey brabes,
Dechan las aùtes en présou.
Taleù coum l'aubéte punteye,
Abàn lou crit denathasâ,
Guilhot de sa bouts qui trembleye
Desbelh tout en cantan plâ :
Repic :
Qui boù leyt de crabe, qui-n boù !
Si-n cau de queste mati ue tasse,
Ne la beni qu'u so.
Dàunettes lou crabè que passe !
Qui boù leyt de crabe, qui'n boù ?
Las cousinères desbelhades
Au crit deu bielh crabè Guilhot,
Arriben tout espeluchades,
Pourtan cad'ue soun salerot.
Autalèu la leyt que grameye
Enter lous dits deu bou crabè,
E la crabe que pacienteye
Dinque que n'ey plé lou salè.
Tout die atàu de porte en porte
Guilhot hé courre lou troupèt,
E de la bile que s'emporte,
De dinès plé lou soun poutchet.
Mes prumè de tourna ta case,
U so de saù que ba croupà :
La crabe qui l'a sabut plase
Sus la soue mâ la bien lecà.
Més sus terre, tout n'ey pas hèste
Même entà-u nouste crabè, Guilhot
E de plourà n'ey pas lou méste
Si-u cau béne u petit crabot.
Labéts s'en ba abans l'aubéte,
Hè lou marcat, tourne au troupèt
En-ta cousoula sa crabète
Que-n dèche u gn'aute crida per ét.