L'angelus qu'a sounat


Lou sourelh que hoeyè ta darrè d’ue pène
E lou soum dous abèts tan per tan qu’ès bede
Lou zephir amourous de sa fresquète alène
Balayabe las flous t’aù mieytan deu terrè
U pastouret fidèu t’aù courrau que bachabe
Lou caçadou taben sourtibe dous camous
La lue per degrèu au soum deu cèu pujabe
Qu’ère l’ore deus amourous.

Refrain
L'angelus qu’a sounat, e nou y’es pas encoère
Au pè de l’arboulet, de nou dus tant aymat
Soubien te que'm disès, que serey la permère
E m'a bérès troumpat ? Ò cruèle béutat.

Segut auprès d’un bèr près d’ue aygue pasible
Demourabi praùbet la qui credi m’ayma
A moun ame labets langourouse e sensible
L’amou dise toustem are qu’arribera
L’ayroulet s’ey lhebat, hase cade la houelhe
Que tremblabo l’azur de l’arriu estelat
U murmuret confus pujabe a moun aurelhe
N’abi yamey tan escoutat.

Mes pourtant qu’arriba taù coum l’oumbre leuyère
Coum l’auserou crentiou goeytat per l’esparbè
yamey nou la bedouy tan gentille tan bère
Que tremblabe d’amou coum la flou deu rousè
Dehens u capulet que s’ère amantoulade
De pou que nat lugra jalous de sa splendou
N’abousse pas anat per toute la countrade
Racounta tout lou nouste amou.

Fermer