Ô Magali ma tant aymado
Mete la teste al fenestroun !
Escouto un pau aquesto aubado
De tambourins e de vióuloun.
Es plen d'estellos, apéramount !
L'auro es toumbado,
Mes las estellos paliran,
Quand te veiran !
Pas mes que dóu murmur de l’oundo,
De toun aubado n’en faï cas !
Mes lheu m'en vau dins la mar bloundo
Me faire anguilo de roucas.
Ô Magali ! se tu te fas
Lou pez dé l'oundo,
You, lou pescaire me farai,
Te pescarai !
Ô mes se tu te fas pescaire,
Lou verdoulet quand yetaras,
You me farai l'auset voulaire,
M'envoularai dins lous campas.
Ô Magali, se tu te fas
L'auset de l'aire,
You lou cassaire me farai,
T’attraparai.
Vaï calinaire courre à perpéto
James, james m’agantaras
You me farai blanco mouneto
Dou mounastié dou grand Sent Blas
Ô Magali, se tu te fas
Mouno blanqueto
You, capelan,counfessarai
Et t’ausirai.
Se dou couvent passes la porto,
Toutos las mounnos trouveras
Q'a moun entour saran per orto,
Car en susari me veiras !
Ô Magali, se tu te fas
La pauro morto,
Adounc la terro me farai
Aqui t'aurai !
Aro coumenço enfin de creire
Que noun me parles en risent :
Aqui moun aneloun de vèire
Pèr souvenènço, ô bet jouvent !
Ô Magali me fas de bèn ! ...
Mes per te veire,
Vé las estellos, o Magali,
Coume an pâli !