Los de Nadau
Au som deu cèu o chic se’n manca
I a ua hada cambiada en ausèth
E jo solet que sèi quin canta
Quan la montanha s’a pres lo capèth.
Répic :
I a temps que nèva e temps que desnèva
Los ans que se’n van en ronda de sasons
Entén lo qui canta, lo son mau encanta
Atau s’escapan penas e dolors.
E’m vàs alucar un arrai de lua
Hens lo païs qui m’avi sauneyat
Que i trobarèi mon ombra perguda
E los soviers qui m’avi desbrambats.
Si’m vos prestar las toas alas
Que volarèi shans gahar l’alet
Tà despassar lo temps qui passa
E de la vita saber lo secret.
Baisha deu cèu Maria-Blanca
Enta’m poratr drin de sorelh
E tamben nèu qui tan ei blanca
Un navèth monde te bastirèi.