Alexis Arette-Lendresse
Lous bouhémis qui’n ban de bilayé en bilayé,
Qué porten lou soreilh d’u peys encounégut…
You tabé qu’ey rébat dé counéché lou biadyé
E dé segui coum ets lou temps qui m’ey pergut.
Bouhémis qui cantat, près dou hoec quan débare
La noeyt oun ban lusi las estéles de Diu,
You tabé qu’ey au cô, coum u air dé guitare,
Qui bien parlan tous dous, de yoénesse e d’estiu…
Qué bien d’u gnauté temps, e lheu d’u-gnauté terre,
Cadé truc doum é cô, qu’ey mie cade pas…
Qu’ey lou briu toustem cla, qu’ey la luts la mey bère
Permou qu’ey dé l’amou qui nou s’acabe pas…
Lous omès saunys qui’n ban de bilayé en bilayé,
Bouhémis de l’amou, u sé que-t troubéran…
Qui prénéras la flou qui-m bouty au coursadyé
E las ores d’estiu labets, qui danséran…
Lous bouhémis pressats dé ségui l’aube clare,
Qué séran débinguts, lous fiançats dou mati,
E qu’abéran au cô, aquet air de guitare,
Lou bercet de l’amou qui nous ab pas menti…
Qui séra gnauté temps, mès sus aqueste terre
Per lou même cami, qu’aneran pas à pas…
E la bielhe cansou qué séra-la nabère
Permou qu’ey de l’amou qui nou s’acabe pas…