Davant ço de Menvièla
Hace bèyh, hace lèu
Es ten ua hèira a Vièla
Per Sen Bortolomeu
Répic :
Na hièra de Vièla
No s'i ven arre, arre ! (bis)
Segui parelha hèira
Ei temps mau emplegat
No s'i ven pas un gat
No s'i ven pas ua bestia.
Salhan sense vergonha
Hé debaishar dets pois
Un bedeth ple de ronha
E tot cargat de polhs.
Vièc portave' neths braces
Un porc en triste estat
Qu'ajeva'ras hogassas
Et n'era pas crestat.
Un gojat de Trachera
Sus un vielh saumicot
'Eu se virè'ra sèra
Es pensè copa'th cot.
De Solan è Chaubera
Eths motons débarats
Qu'ajavan'ra ranquèra
E tots escagarrats.
D'Aranhoet'ras coderas
Baishan en procession
Que s'en tornan leujeras
Peth camin deth Camo.
Ran, tan plan, ra rolada
Deth tambor tot vrebat
Ditz ra hèira renviada
Et tout qu'ey acabat.