Serenada

Simin Palay

Que bouy canta-b ue cansoû
Migue à la pèt bermélhe,
Mes que bouleri da-u tau soû
Que-b charmèsse l'aurélhe.
Ay-las ! noû sufech pas d'ayma
Ta ha bère musique,
E ma cansoù si-b ba charma?
Que noû m'y hidi brigue.

Toutû, qu'abém credut toustém
Qu'ue bouts qui cantabe,
Quan dab l'amou pernabatém.
Que-b amistousejabe.
Mes, ço qui ta d'autes ba plà,
Ey la mediche cause ?
Enta bous, canta coum parla,
Qu'ey pèrde au mens la pause.

Toutû, bère, si m'entenét,
-Escusat-me si-m bànti-
Dab l'ajude dou Diu nanét,
Tan plâ qui sèy que canti.
Si n'abét pas lou co barrat,
Oubrit boste frinèste,
Nou-m dechét pas desesperat :
Boutat-me lou co'n hèste.


Fermer