(Recueilli par F.Vogel)
Bous qu'èt béro qu'èt joueno
Bous sabet tout charma.
Mes ço qui'm hè gran peno
Que nou'm boulets ayma !
Ayat drin de feblesso,
Nou'm hassiét pas soufri.
Hèt essay de tendresso
De' payda, jou m'aoufri.
La prumèro despenço
Si boulet, jou herèy
Ta bous, de coumplasenço
Jamey nou manquerèy.
Per dehens ou dehore
Aou mes petit sioulét
Jou herèy à tout'oro
Tout ço qui'm coumandét.
Acceptat moun serbici
Agradat soulamen
Que'p rendi quaouqu'aoufici
Dens moun petit mouyen.
Mes que bous siat countento
Lhèou m'en saberat grat
E si èts recounechento
Jou serèy prou pagat.
De la recoucechenço
Bienera l'amistat ;
Jou sèy per esperienço
Qu'ataou souben s'escay.
Arré nou'p héra rèyto
Qu'at pouch assegura
Car ataou quoan s'èy hèyto
Toustem que durera.