Entaùs 20 ans dé Siros, nous chanterons en 86 à la Hesteyade une chanson de Louis Mandère, créée en 1974 à Siros.
Que sey u tros de terre
Sus lou terrè d'Ibos
U bos de paloumère
Que y anéram se bos,
Cerca loegn deù tapatje,
Loegn deu gran caminau,
La frescou deù boucatje
Qui hè lou cô tout naù.
Lou cami qui p'y mie
Ney goayre qu'u sendè,
Arré mès qu'ue bie,
Aù penen dou terrè ;
Seguech lou caminayre
Au sourelh de l'estiù,
Nou y a pas mès bou ayre
Qu'aù bord deù sue arriù.
Quoan bié primabère,
Qu'ey tout cargat de flous
Debat la castagnère
S'en ban lous amourous.
S'escoun darrè l'oumbrète
U esquirou crintiù
E cante la laùdete
A la glori de Diù.
Debat la cassourade
Aùs purmès dé l'abor
Quoan la hoelhe daurade
Paùse soun palhat d'or,
Aùbrech u drin l'aùrelhe,
Escoute la cansou,
La cansou de la hoelhe
Qui ploure la sésou.
Lou bén dé Balaguère
E lou bén castagnè
Qué m'an panat y a hère,
ço qui-m mes e-m plasè,
Lou teyt de las cabanes
Qui, praube omi, hasès
Ta qu'en dalhan las branes,
Que-t trobes u assès.
Aù soum, si t'y repaùses,
Sit-tires lous esclops,
Espie cada caùse,
Espie tan qui pots
Segu lou rey d'Espagne
N'a mes beth coustalat,
Oumpré, qu'es la mountagne
Qui n'an jamès cantat.