Praube riche

(E. Duplan)

Arrepic :
Quina chança qu’as, tu,
De víver ena Bigòrra,
Mès que pensi, tanben,
Que non n’ès pas conscient ;
N’ei pas doman ‘ra velha
Que poderam descrobir
Un país autan bèth
Qu’era nosta Bigòrra.

E t’ès apercebut qu’ací, era misèra
Qu’ei mes doça qu’alhurs, mès tà la hèr passar,
Que cau lhevar eths uelhs e sentir eth frisson
Qui hè, de tu, un òmi urós e mes gaujós.

E t’ès apercebut qu’enlòc mes non s’i canta
Mes beròis arrepics tà vantar era beutat,
E, se lhèu, eras montanhas i son per quauqu’arren,
Demanda l’at a Diu, eth sol qu’at deu saber.

E t’ès apercebut quina grana richessa
Qu’as-tu de poder véger montanhas autant bèras
Que son, a qui las guèrda, tanben a qui las aima,
Crésus, auprès de tu, qu’ei mes praube que Jòb.

Fermer