O Ballée d’Aùssaù


René Lapeyre
O Ballée d’Aùssaù, tan gauyouse é tan bère,
Arcoélhenta touetém, quan au miey de l’estiù
Pertout ey estadit, tu fresquéyes encoére
De touns arriùs clarets qué tringuéye lou briù.

Répic :
S’anéram passéya capsus la ballée
S’anéram passéya, qué s’anéram passéya !
Qu’ès bère per l’endret oun Diu t’a enstallade
Touns biladyes bastits au soubac é au sou
T’espies en ta Pau, é darré qu’as l’Espagne,
Dé tou temps a yamey, qué t’an balhat aunou.

Qu’ayman tabé de tu so qui hè la nature,
Lous arbres é las flous é l’aulou de l’abet,
Quan hè béroy calou, l’èr biu é la frescure
E lou cami qui puye au soum dou Pourtalet.

Las oumbrétes dous bosc, lou soum de las pecarres,
Lou Gabé qui tourtéye au bet miey dous rouchès
Dé l’aulhète qui péch audi las esquirades,
A l’ore d’apléga, lous siulets dous aulhès…

Lous bèts matis d’estiù, tout droum a la ballée
Quan lous arrays dou sou déya soun allumats,
Sus las pénes de neu, qué bédem qu’ey claréye
E lous pics au bet soum qué semblent aryentats…

Tant qui duré tou temps, qué séras bésitade,
L’estiù dap la calou, é l’iber dab la néu,
Lous amics numérous qui t’an toustem aymade
Dé-t pou dé béde ataù, rémerciéran lou ceù…

Fermer