Alexis Arette-Lendresse
Bare lous oelhs, beroy, qu’ey l’ore
De t’adroumi yumpat per lou saùney,
La noeyt qu’ey douce e per dehore
Mille lugras qué peyren lou cami dou rey.
Que pods parti ta d’aquet moundé
Oun l’aùset blu t’encantàra
E las esteles en aboundé
Qué s’abancen ta-t coussira…
E lou bachet d’u blanc nuadyé
L’anyou de Diù qu’ey prest t’a-t passéya,
E you que bey sou tou bisadyé
Quan t’en arrits la luts dou ceù lusi déya.
Bare lous oelhs enta la terre
Près dou barçoù que-t baù goarda
Séguech lou rébé qui t’apère
Lou temps tant bisté que s’en ba…
Bare lous oelhs, beroy, qu’ey l’ore
De t’adroumi yumpat per lou saùney,
La noeyt qu’ey douce e per dehore
Mille lugras qué peyren lou cami dou rey.