Dens la nosta Biggorra
Semiats per los vesins,
Un deu païs tostemps porta
Subernoms plan coquins
E trufandès.
Nosautes de la plana,
Esparricats de plan,
Qu’ens aperam amassa
Simplament Bigordans
E nat de mès.
Boulin, dessus las costas, abriga Tira-vins,
Génos, dens la montanha, éscon Boteilhodis,
Qu’an plasèr tots amassa de trincar shens puchèu
Permor qu’a cada brinda au darrèr que s’i bèu.
Pissotets de Gardères o Pela-cuus de Luz,
Ne vos agrada hèra de hèr dansar escuts,
Digun n’aima pas btica dèspensar quauqu’arren
Sonqu’un chic de saliva sovent enta d’arren.
Cuu-lavats de Banhèras, que podetz envitar
Truca-barriu de Vic, un dia ta dejunar,
Lo nivèu d’aiga cauta que s’pot achequi net
Qu’auratz be specialistas la cambiar robinets.
Mès que n’i a un sarrot de chafres en Bigorra,
Jamès ne poiram pas hicar’us tots dehora
E se voletz parlar deu voste vilatgeot,
Prenetz un porta-pluma e pensatz i plan hort.