Hiestra uberta


(Tròtacamin)

De bon maitin qu’an ubert’ra hiestra
Sorelh ath còr qu’an gahat eth camin.
De bon maitin an caminat amassas
Sorelh ath còr que son tots arribats.

E uei maitin l’escòla ei uberta
Be i a longtemps qu’èra clavada.
E uei maitin que son athieu eths dròlles
Ara l’escòla va començar.

Tot doçament puja ua cançon
Tot simplament votz que gahan ath cèu
Tot doçament era vita que torna
Tot simplament eth vilatge que viu.

E uei maitin l’escòla ei uberta
Be i a longtemps qu’èra clavada.
E uei maitin eths dròlles que cantan
Ara l’escòla va començar.

Tot esmavut eth vilatge qu’escota
Risolejant eth aulhèr que s’apressa
Tots esmavuts eth haure eth paisan
Risolejant eth vilatge s’amassa.

E tot d’un còp que son davant l’escòla
Hiestra uberta cançons gaujosas
Era cançon mes hòrta que puja
De tant d’esper de tant d’arsec.

De bon maitin eth vilatge que canta
Sorelh ath còr e’ras hiestras ubertas
Tot esmavut eth vilatge que canta
Tot doçament eth esper qu’ei tornat.

Fermer