En cournè dou houec

L.Geoffrin

En cournè dou houec, en cournè dé caso,
Ta leù desbelhats, lous maynats balens
Libes e cahiès, lous pès en a braso
Quan estudiat ta parti countens.
Mes aban d’ana pla louy a l’escolo
Tout près dé la may, u cop amassats,
En cournè dou houec, bèt poutou s’envolo
Lous petits, lous grans qu’y soun tous punats (bis)

En cournè dou houec, la may touto soulo
Sensé paù dou hum, abach(o) lou crémalh
Estrusso pertout, debaro la oulo
Lou pay pot rourna léuyé dou tribalh
Tapé s’ey sétut : biste la padèno !
Daban lou laré tous dus qu’an minyat
En cournè dou houec, lou mestre, la henno
Què trobon mès bou loup a dou suè blat (bis)

En cournè dou houec, ta hè la belhado
Arrib(o) alabets, tapè que la neyt
Bésis é baylets, touto la cassado :
La néou pot boula, n’y hè pas héret,
E qu’y soun urous ; lou bèn de dehoro
Qué chioulo pla hort, n’y pot pas entra.
Aou cournè dou houec, païs de Bigorro
Yamès nouste cô nou-(t) desbrenbera (bis)

O cournè dou houec, dap aquesto terro
Sé bous caou quita per u bèt mayti
Alabets dirèy aou brabé Sent Pierro ;
« Sé m’abéts besoun, s’en boulet assi
« Ta you boste Ceou nou-m coumben pas hèro
« Si démouri soul, louy dous liès aymats,
« U cournè dou houec, balhat-me Sent Pierro,
« da plous praubesbielhs, da plous liès maynats (bis)

Fermer