T’on vas


(Los de Nadau)

Lo men país qu’ei com ua isla,
Quate maisons devath lo cèu,
Hilh deu gave e de la saliga,
Que sòi marin shens nat batèu.

Arrepic :
T’on vas ?
Tu qui non pòden maserar,
T’on vas, t’on vas ?…

E qu’ei aquiu la mia escòla,
Qu’i èi après a tot jamei
La libertat e la bracòna,
D’aqueth reiaume sòi lo rei.

E en espiant colar l’aigueta
Qui se m’empòrta lo vagar,
N’ei pas de pena, ma Janeta,
Si n’ei l’enveja de plorar.

Puish quan sia lo darrèr viatge,
No’m tirarèi pas lo bonet,
Portatz-me donc auprès deu gave
Qui n’estó pas jamei vailet.

Que me’n tornarèi tà la tèrra,
Qu’i èm tots a egalitat,
E donc, amics, tà la hartèra,
Un darrèr còp que cantaratz.

Fermer