Quan per mès de Garbe


Quan per mès de garbe, la plane de Tarbe
Yumpe lou roumen, que rébi toustem,
D’aquère arribère…Que’t béyoui tan bère
Qué t’aymey sus lou moumen…
Per u sé de heste, que’t béyoui dansa
E n’abouy en testa, qué dé t’apressa…
Nou sey pas encoère, per quine diablère
Et birés es tues galans,
Mès que t’apressès la permère, dab l’arride dets quinze ans.

Répic :
Aù cla det céù qu’arribe l’ore, de s’en ana per lou païs de las amous
E qu’ey per tu, douce Bigorre, qui lous souneys dèts miès bint ans estoun tan dous
N’ey pas et sou qui’m dè la frèbe, sus et tué cap qu’abès l’or det roumen
Au blu déts uelhs, qu’abès lou rèbe, qui hè canta l’Adour débat et bén..
Moun Diu, moun Diu, qué tourné l’ore, oun s’en anem per lou sendè dets amourous
E lou mié cô, douce Bigorre, garde’u toustem ta mas amous….

Et bal qué birabe, et sourelh bachabe
Qué débès parti, nou poudouy souffri
De’t perde ta biste, e tu et cô triste
Tapoc n’em poudès menti…
Qué partim amasse, nou sey quin estou
Dab lou ben qui passe, et permé poutou…
Tout que s’estelabe, l’anjelus sounabe
Bengut det clouchè d’Ibos ;
Qu’aurem dit que’m secreteyabe : tourne, tourne-t’y si bos…

Répic :
L’estèle en ceù, que merque l’ore, oun tournerey per lou païs de las amous
Que tournérey, douce Bigorre, en ta trouba ets tuès sendès qui soun tan dous
Bère maynade det m’è rèbe, que sey qu’em démoures aciù déla
Lheù qu’as aù cô bet drin de frèbe, quan tournerey et ceù qué séra cla…
Moun Diu, moun Diu, que tourne l’ore, oun s’en anem per lou sendè dets amourous
E lou mié cô, douce Bigorre, garde’u toustém ta mas amous….

Fermer