C.Despourrins
Quauqu’um prègue de dise
Dab quaou me plaseri,
Et sens qu’arrès desguise,
La quoau mey aymeri,
Moun co tien letres closes,
Qui yamey nous sauran,
Que quan ulhets et roses
Las sègues pourtaran.
Lous omis, touts amasse,
Baudamentz bau plassa,
A toutz Diu bee que hasse !
Qu’eus boulhe counserba !
Mey las madamisèles
Quin se pouyren mescla ?
Plus soun yoenes et belles
Plus las cau separa.
Atau coum enter mile
Se coelh la bère flou,
Atau, hens ma familhe,
Coelherey moun amou,
Lou curious qui-m demande
Tout haut de m’esplica,
Per aco he-m coumande
De nou yamey ayma.
Incounegude aymable
Tu meme n’at sauras,
Et per plaa qui m’accable,
Moun secret nou-s ditz pas,
A moun atye, om endure
Taus maus sens s’en banta,
La noeyt la plus escure,
Toustemps qu’eus deu caxa.