Simin PALAY
E boulét sabé quin hèn la soupe à nouste
Qu’at boulém sabé ! (Bis)
Aluguém lou hoèc dap boune légne e brouste
Qu’at haram tabé ! (Bis)
Puch, hiquem l’aygue au métau
Dab u bou pugnat de sau
E dau ! dau ! dau ! bouhe lou hoec, Margalide
E dau ! dau ! dau ! bouhe lo hoec coume cau ! bis
Ah ! la boune soupe (Ter)
Qui haram atau.
Puch que bam pela bère mandourrète
Que la bam pela(Bis)
Que las labaram en aygue pla néte
Que las bam laba(Bis)
E hica las au metau
Dab u bou pugnat de sau
E dau ! dau ! dau ! bouhe lou hoéc, Margalide !
E dau ! dau ! dau !ha garlapa lou metau bis
Ah ! la boune soupe (Ter)
Qui haram atau.
Que cau atrassa bèt pugn de yerbéte,
Que la bam cerca (Bis)
Pela cabos d’alh, craca la pernéte
Que la bam craca (Bis)
E lou caulét au casau
Biste que cau atrassa-u
E dau ! dau ! dau ! bouhe lou hoéc, Margalide !
E dau ! dau ! dau !Despachém-se à talhuca-u Bis
Ah ! la boune soupe (Ter)
Qui haram atau.
En u camalhou coupém bère lésque
Que la bam coupa (Bis)
E ta-plâ tabé, drinot de bentresque
Qu’at haram ta-plâ (Bis)
Dab lou cailet au metau
E hournim u drin de sau
E dau ! dau ! dau ! bouhe lou hoéc, Margalide !
E dau ! dau ! dau !Are qu’abéra tout coum cau bis
Ah ! la boune soupe (Ter)
Qui haram atau.
Lou metau s’ou hoéc que hè bèt tapadye
Atau que ba plâ (Bis)
Lequém-se lous pots d’aquet boû poutàdye
Qu’ous s’em ba leca (Bis)
Mes, permé, que bam gousta-u,
En cas si manquèsse sau
E dau ! dau ! dau ! bouhe lou hoéc, Margalide !
E dau ! dau ! dau !Trempe la gahe au metau Bis
Jamès nada soupe (Ter)
Nou hasoun atau !