Gaston Palay
Las campanos qu’an sounat
Qu’ey la joia de Pasques,
Liuer qu’es bén d’acaba
Lou printéms préng sa plaço,
Las noustes hirounglétos
An retroubat lou nit
Là haut éns la bourdeto,
Qu’ey la joia de Pasques.
Las campanos qu’an sounat
Qu’ey heste naciounale
Dio de la libertat
En nouste Franc’aymade,
Lou bet sourelh de julhet
Qu’a réscauhat lous cos
Aidat per lou bou palhet…
Qu’ey heste naciounale.
Las campanos qu’an sounat
A Bic que y a la heste
Sén Marti qu’ey hounourat
Per l’Estiuet dou Meste,
E sùs la grano plaço
Au mey dous crits, dou brut,
Lous couples qué s’enlaçon,
A Bic que y a la heste.
Las campanos qu’an sounat
Ouey qu’ey la Hesteyade,
A Ibos, sùs lou gran prat,
Qu’ino bèr’amassade !
Malhùr si nouste lengue
Douma déuè mouri
Amics ! la cau ménténgué !
Ouey qu’ey la Hesteyade !
Cantém la Hesteyade !!..