Dab co qui’m dits eth ben

Robert Borie

“Dab co qui’m dits eth bén eth bén d’aquesta terra
Qu’ey het ua cansou t’a disé qué ségu
Qu’aqueth pays qu’ey beth quan se bé la courdera
D’eths mounts d’Aure ta loegn at Marmurè d’Azu.

Pays que t’an laurat dab eras mascarinas
E que t’an barytat é het coume era ma
Qu’an het canta la peyra t’a souna-te maytines
Eths dé qui pè-descàus la nét dalhaouan eths prats.

Ara sabén ségu qu’aqueth téms s’esbalisa
Eth castagnés soun mourts é lous pigous malàuts
Eth nitrata à Ger qu’a tuat eth trouén en’as arrius
E de Piatat à Ger qu’an het passa u tràuc.

Que porta téms machàn aqueth bén dé nabèra
Négré qu’ey pla soubén eth debat de Bourdéu
E sé nous y belham aquéras bentouleras
Que dicharam mouri d’u cop eth nouste heyt.

Nous qui aouen manejat encora aquesta terra
Tà loegn qui aouén biscut qu’ens é tourna toustem
Eth soubié d’eths aynats qu’aouén las mas tan bèras
Dé tan bira eth souc dessus eth arrabénc.

Ens aquets arrabéncs créch era bèdourera
At arroumec que tourna era borda d’eth yer
E qu’ey botan eth hoec dé bou sens nou-n’ia hera
Quan at bor d’eth Ichès que sulfatan eths bèrs.

Arrestat Bigourda é huerda la tua terra
Au loc dé hè camis t’a hè puya bétou
Beth lèu la tua mountagna que nou baléra hèra
Qu’en t’a la plouya acida é sa rouya coulou.

Décha la gens héram coure per la mountagna
T’a ço qui n’as pas tuat qu’at podès décha hè
N’ia prou dé fésilhs en-t’a d’autes campagnes
Eths ous dècha tourna ens bocs de Càuterets.

Sàuba s’at podès hè la béutat d’esta terra
Aqueths abrius plouyens, aqueths abors mourèus
Lou blu d’las Pyrénées quan puya balaguèra
Quan la ciér dera néu s’alisa sus eth cèu.

Dab ço qui’t dits eth bén eth bén d’aquesta terra
Bè-t-en p’eth Estarac d’aciu beyé ségu
S’eth tué pays ey beth quan sé bé la courdera
D’eths mounts d’Aure ta loegn at Marmurè d’Azu.

Fermer