Bernard Boué
Qu’es partit auserou,
Qu’as gahat la boulade :
N’arraye pas mes eth sou
Per aqueste countrade !
Quan t’en bas, auserou,
Loègn de nouste bousquadje
Tout qu’ey brum e negrou
Chens tou beroy ramadje !
Oùn es, tendre auseret ?
En ua branqua estranjère
Que t’es pausat, soulet
E ma bouts que t’apère.
Si sabès, auserou
Quoan e quoan de pensades
Toutes pliées d’amou
Ta tu, s’en soun anades !
Eth auserou s’en ba
Coum ere aygue hoeytide
Dab ariu fresc e cla
Qui court t’a ue aute arribe!
Mes eth que tournera
E dens moun amne triste
Eth sou qu’es lhebara ! (Bis)
Auserou, tourne biste !