JL Lacontre
Lo brivei de l’aigueta
Qui riuleja
Lo long de la ribeta
N’a tant doç brivejar
Com sa vota amorosa,
Enjaulanta, amistosa,
Disent armoniosa
Lo doç plaser d’aimar.
Suu branquet qui simpleja
L’ausèth qui’s dolenteja,
Dab son cant qui’s shaureja,
Non tira tant bèth son
Com sa votz enairenta ,
Tringuilianta, perlenta,
E tota fremerenta
De perpitz e d’amor.
Pastora tant cherida,
Ròsa a miejas florida,
Be n’ès tu provedida
De deus qui dan plasers !
Si jamei ton uelhada
Au miei de nosta aubada,
Ved ua amna alebada,
N’at dihes ad arrès.