Mon topinon

Maria ROANET
Mon topinon, mon passerat,
La devinhòla del teulat
Joan-de-l’ors, Tòni, Joan-lo-piòt
E la dicha del cagaròl
Tot çò qu’ensenhan als pichons
T’ensenharai mon aucelon.

Una lenga per ton enfança.

Lo rèire grand qu’èra fialaire,
La rèira grand qu’èra boriaira,
Joana Costa la plançonhièira
E Maria la cosinièira :
Tot ço que carreja lo temps
Te contarai, ne seràs plen.

Una lenga per la mementa
Una lenga per ton enfança.

Farem un trauc dedins la mòch
Per i gaitar lusir lo fuòc
Lo monde bèl, l’òme novèl
Ne parlarem e los farem.
Aquela enveja d’avançar
Aquel amor serà ton pan.

Una lenga per l’esperança
Una lenga per la mementa
Una lenga per ton enfança.

Aquela jòia d’avançar
Aquel amor es nòstre pan.

Fermer