A.Arette Lendresse
Lou sé qu’a la coulou d’ù rèbé de yoénesse
Quan la terre e lou ceù an l’air de s’appressa.
Aqueste sé tout blu, qué bouleri qu’estesse
Coum las ores d’amou qui-s démoure a passa.
Qu’escouti l’anyélus qui parle dab tendresse
De ço qui da la pats aù peys ou nem baduts
Un sinne d’amistat qu’ey mey que la richesse
Qué bié de l’aute part oun ey douce la luts.
Quan biengues près de you, au cò d’aqueste terre,
Oun droumin touts lous mès-escoute u drin abans,
Ta sabé quin t’aymey (si las cantes encoère)
Las cantes qui hasouy taùs gouyats de 20 ans.
Que-t canteran coum you lou rèbé de yoenesse
Quan la terre e lou ceu an l’air de s’appressa
Et la mis cansou que bouleri qu’estesse
Coum las ores d’amou qui-s demoure a passa.