Los de Nadau
E tic tac e tic tac
Qu’ei l’òra de partir
E tic tac e tic tac
Qu’ei la crotz deus camins
Que te’n vas e donc adiu
Que’t vam seguir dinc au portau
Lo hat que segueish lo briu
E atau qu’ei e qu’ei atau.
Quand la mair ved partir
Lo darrèr deus sons hilhs
Qui se’n va com l’ausèth
Non sab tà quin païs
Qu’ei tristèr e doçor
Un drin com un ser de Nadau
Quan ei doça la dolor
E atau qu’ei e qu’ei atau.
Hens l’eslama deu huec
Tostemps que’t vederèi
Hens la cançon deu vent
Tostemps que t’escotarèi
E adiu, ‘cò batlèu
Sus un aute caminau
Devath un aute sorelh
E atau qu’ei e qu’ei atau.