A.Arette Lendresse
Qué’s cred u gran segnou qu’ey apitat
Sus lou mey gran tractur qui a troubat au marcat.
Que l’y calè dus cops mey gran que lou bési
Permou tau hagardè nou y’a médéci..
Répic :
Nou’n bam pas dise : Bibe l’Agricultur
E bibe lou credit ta paga lou tractur
E bibe lou prougrès qui porte tan de gay,
E bibe lou coucut qui cante au mès de may.
N’ey pas tout dé louga, n’ey pas tout de croumpa
Permou mey s’y brounech, e mey que cau paga,
Mès qu’au presten lous sos au guichet dou crédit
Atau qu’ayden lou gran a creba lou petit.
Enta d’aquet balen, ni bésis ni parents
Nou s’ey pas équipat en ta ha sentimens
Qué gagna sou mati, que gagne sus l’escu
Enta poude peta mey haut que lou sou cu !
Uo gran balen coum et n’a pas mey nat moumen
Diménnyé coum dilus que cau ha rendamen.
Mes quan tourne de tard qu’ey tan fatigadas
Que bachat deu tractur, nou pot pas mey plegas.
E quan se hique au lhiet, qu’arrounque chens rétard
Tandis qu’au sou coustat la hemne qué’s demande
Qué’s demande perque nou haré pas cournard
Puch qu’en ta d’et l’Amou n’a pas balou marchande.