JL Lacontre
Ta sous boéus pla gabida
Lou boé de Marcade,
Nou saberé trop goarda
Sa fière agulhade.
Mes l’agle deu Marcadau (Napoléon III)
Ta-n ha soun nid imperiau
Sens bergougne, au soum de tau,
L’at abè gahade !
Répic :
Goarde-t, goarde-t boè (Bis)
L’agulhade, boè,
Goarde-t, goarde-t boè 2 cops
Goarde-t l’agulhade !
L’agulhade, boè,
L’Agle au pounchou s’atrapè
Ta male pounchade,
Que hida-s mey nou poudè
Sus hiche agulhade ;
Si l’emboutumat bestiau
Nou s’aperè t’ayuda-u
Deus bec-tors au soum de tau !
L’arpude boulade.
Sabets ço qui-n apari
D’aquére lhebade ?
Ai boè soulet recouti
La fière agulhade,
Et, dab iche apè leyau,
Truc per truc, ha-n bè de mau,
Met l’auyàmi, au soum de tau !
En descampourrade.
Deus butres om bi, labets,
La bande ahamiade
Pilha, boeyra lous burguets
Au de l’agulhade :
Mes entau tourne-yournau
Qui-us goarde lou pout gallau,
Pagaran, au soum de tau !
La desboeyrassade.
O boè, si bos d’are enla
Ha pè dens Marcade,
Porte, porte haut la ma
Ta fière agulhade ;
Si nat aute ausèt reyau
L’at bòu, dale-t, dale-t, dau,
Mes sou cap, au soum de tau !
Sounque en arrounsade.
Lou coue-nid rey petit ,
La pate alebade,
Chinque-chanque, co berit
Decap l’agulhade ;
Mes lou chancayre reyau
Perd leth e dens soun nidau
Be s’en tourne, au soum de tau !
En rebiscoulade.