Brabe païsan

C.Laffargue(Armagnac)

Brabe paisan, t’en anquis pas
En-ta la bile :
Demoure à boste, e que seras
Bien mei tranquile,
Qu’et cau leua cade matin,
A punte d’aube,
E tribalha , chirga sén fin
E toustem praube.

Répic :
Que t’aimi, jou brabe paisan,
Lou toun trabanh qu’ei lou mei gran ,
Lou mei boun counde,
La deri lonlère,
Que hès biue lou mounde
La deri lonla.

Pendén l’iuèr qu’a bèt tourra
A pèire hène
Qu’et cau parti-t artigala
A perde alène,
Pendén l’estiu, qu’et cau susa
Mei d’u’camise,
Brabe paisan, ta’t cau bouha
En tout arrise.

Se bos minja guits e pou rèts
Ou û pouloje,
Que bas causi déns lous troupèts
La mei beroje.
E s’es boulèn neuri-s coum tu
Lous de la bile,
Ne pouirén pa, qu’ei bien segu
Qu’à pous de mile.

Fermer