Sona las campanas

(Los de Nadau)

Entau païs d’abaish e entà la montanha
E son vestit de nòvia a la permèra nèu,
E lo vent de l’abòr qui escoba la plana,
La doçor de la tèrra, la colèra deu cèu.

Arrepic :
Sona las campanas, Mari-Loïs
Sona mon esper, i a monde sus la plaça,
Sona lo qui aima son païs
S’a ganhat lo dret de l’espiar de faça.

Anueit lo Batiston que se’n torna tà casa,
Enqüèra un de passat, que n’a lo còr content,
Tau brut deus sués esclòps suu camin de la vita,
Que se’n va a plaser pr’amor d’aver lo temps.

N’ei pas qu’ua cançon, n’ei pas qu’ua musica,
N’i a pro tà caminar, tà caminar tot dret,
Entaus qui’s son lhevats en audir la flaüta,
Qui dancen en espiar a mes luenh que los pès.

Mon païs que l’aví au còr com ua floreta,
Mès adara que l’èi tanben au hons deu cap,
Que saberèi tostemps on son mas amoretas,
N’em pas enqüèra morts, que vam semiar lo blat.

Fermer