U jouen pastou quitabe

U jouen pastou quitabe
Soun pèis e sas amous
E coum aço cantabe
Sas pènes e doulous :
Adiu simple cabane }
Qui'm bis au catcerou }
Que me'n bau ta la plane }
Dinc a l'aute sésou.}

Adiu dounc ma bergère
Bergère ma gaujou
Que quiti la heuguère
Oun nous hasèm l'amou
Lou souenh de mas aulhètes }
M'apère tà Bourdeu }
Adiu mas amouretes }
Jou tournarèi bèthlèu.}

Que t'estàs dab Annete
Pigou (1) b'es dounc urous
Près de l'amistousete
Guardéras lous moutous.
E jou sus l'arribère }
Ailàs ! be bau languir ! }
E louenh de ma bergère }
De doulou bau mouri. }

Atau fini la cante
Lou malurous pastou
De sa plente toucante
Lou mounde s'esmabó
Que quità lou bilatge }
En regretan Annon. }
Mes ailàs la boulatge }
Cambià bèthlèu d'amou.}

Fermer