Répic 1:
Au petit mouli de la Peyroutèro
Que bouho lou bent dauan e darrè ;
Dou maytin au sé canto la moulièro
Dou maytin au sé que mol lou mouliè.
Esmerit e fier, quan l’aubo claréjo,
Lou cap à la luts,, lous pès à l’arriu,
Enta mole gran, l’iuèr e l’estiu,
Lou petit moulin biro, birouléjo.
Répic 1:
E, lou sé tournat, quan la neyt carréjo
Estelos d’argent cap-sus lous teulats,
Las ales en crouts e lous uelhs clucats,
Lou petit moulin saunéjo, saunéjo.
Répi 2 :
Au petit mouli de la Peyroutèro
L’oumbro que s’estén dauan e darrè ;
Dinqu’au lendouman droumich la moulièro,
Dinqu’au lendouman que droum lou mouliè.
P’ou tour de Nadau, quan la nèu, la ploujo,
A trucs e patacs trindon s’ous graès,
Hardit ! praube bielh, estarit jamès,
Petit moulinot, biro, birouléjo !
Darré répic :
Au petit mouli de la Peyroutèro
Que bouho lou bent dauan e darrè ;
Dou petit mouli, s’èri la moulièro,
Sàbi, çà-que-là, qui seré mouliè.