La mazurka de Sen Andiot

I platano – de la plano,
Nous counvido Sant-Vincèns,
Que de chanço – per la danso !
Vèn de s’abauça la tremountano,
La plouvino – se devino,
Per aniue lou fre cousènt,
En cadènci – Eme scienci,
Dansarem d’acord toutis ensèn.

Refrain
Au soun dous di clarineto, di flutèu e di viouloun,
Li jouvènt, li chatouneto, venès lèu di liuen valoun.
Lou vènt s’a toumba li fueio, i vieis òume di draiou,
La mazurka desenueio,
Dins lou bos de Sant-Andiou.

En renguiero – de Verquiero,
Coume de pijoun ramié,
A grand cèstre – per lèu i’estre,
Fasènt vougueja si lambrusquiero,
Vers li pibo – senso gibo,
Di valat plen à demié,
Au bouscage – dou vilage,
Eli, ié saran li bèu proumié.

Refrain

De cabano – li mai crano,
Davalaran mai que d’un,
Par la testo – longo vesto,
Lusent soulié prim, braio de lano,
Plen de joio – e de voio,
Oublidaran soun plantun,
De viouleto – frescouleto,
Quand n’auran soun fres bouquet cadun.

Fermer