Que so'rrei !

B.Sarrieu
25 de Decème 1921-1è de jé 1922

Mèstres des mars è des tèrres,
Princes dedj ôr, chèfi det moun,
Bôsti bès, det soum des sèrres
Bistis que soun ?

O, touto'ra glôrio bôsto
E't bôste empîri, tat qui's tén
Sus er mountanho nôsto,
Qu'ei coumo'rrén !

Jou, des sarrats è des cimes
Quan tout at cap so pujat,
E pes agukhes sublimes
Quan, per debatch si piejat.

Tat cèu qu'en sémblen arége,
Dap, per dessus, soun qu'et souléi
Qu'en azur blous escatéjé,
Dounc que so'rrei !

Arréi des loungues pelouses,
Des pics, des séis è des lounès,
E des coumbanes frescouses
Qu'an as lous pès.

Arréi, oué, pas ta iou 'stouno,
Parcrô mès gran en bertat
Qu'es qui pera tèrro 'rdouno
Arroussègon 'rreiautat.

Premou que cau fièro audaço,
At fèt en sus ta puja 'tau,
E plan qu'en bi-ôm ra sio plaço
Et ço qu'om bau :
Ouè, just acrô que hè 'dj ôme
Gran mès que tout : sabé-s petit
E'nclia-s deuant ço qu'ôm nôme
Edj Enfenit !



Fermer