Tu e jo

(Eras Jumpadetas deras Baronias)

Be hè bon ena maison
On dròmes còsta jo
En un lheit de sapin
Desvelhà’m eth maitin.
Eth capsèt de travèrs
Eth cap sus un coishin
Sense arren sus eths pès
Qu’un linçòu de satin.

Arrepic :
Tu e jo qu’em eth cèu
Qui da bèth, qui da lèu,
Primtemps que se’n arreish
Ivèrn que s’adoleish.
Tu e jo qu’em atau,
De plaser e de mau,
N’avem pas james pro
D’amor e de dolor.

Be hè bon en cornèr,
Près d’un huec batalhèr,
Torret de castanhèr
Vòu pas àrder solet.
La huelha de papèr
Da cendre suu larèr
De hereisho o de hau
Sol casso qu’a corau.

Au mes de herevèr
Ceselhoa en solèr
Se tòrcen eths listèths,
Plegan eths balestrèrs.
Punteja eth mes de mai,
Adiusiatz eths buscalhs
Ath som deths cabirons
Shiulan mèrlins parions.

Per ribas e gotèrs
Denvèrs arraventèrs
Per cambièras e camps
Caminam quan en quan.
Quate piadas ací
Quate piadas ençà,
La cançon pòt mèrci
Tornar recomençar.

Fermer