M.Camelat-JM Lacrampe
Deths picons agusats
Qui’n cèu te hèn brequetas
Nevèras que gojeta
Dets picons agusats :
Eths gaves envesats
Baishan, e borromblant,
A cuu-lhevets se’n van. (Bis)
Répic :
Gasconha, adiu !
Adiu
Tèrra de Diu ! 2 cops
Com pèrnas d’esquilhòts
E navius e barquetas,
D’aisa farandolejan
Com pèrnas d’esquilhòts
Portant eths tòns hilhots
Qui ens grifons deth gran gorg
An vençuda era mort. (Bis)
Ens planèrs ennerits
E cabelhs e busquetas
De hroment que’us jaunejan !
Ens planèrs ennerits
Matan eras arritz,
E’ths homes quan laurèn
Tòc’ath uelh s’ahonzèn. (Bis)
Sus eths tòns costalats
E huelhas e branquetas
De vinha que verdejan !
Sus eths tòns costalats
Eths arrasims hunlats
De sang de Jurançon
Creishen ath carassò (Bis)
Coma an aiga eths arrius
Qu’an leir eras vaquetas,
Eths braguèrs que’us shorrejan
Coma d’aiga eths arrius.
E’ths taures sinse esdrius
En hugent coma un eslamp
Braman ath arreclam ! (Bis)
Coma dus grans de sau
Aras nostas aulhetas
Eras lans que blanquejan
Coma dus grans de sau
Ad entorn deth corrau
Pè-nuds eths anherons
Vòlan coma auserons.
Horts coma un Navarrens
Eths gojats, com junquetas
D’arren no’s tremolejan,
Hòrts coma un Navarrens,
Eras mairs qui’us nueirin
Deth bon peu que los hin.
E jogar-ne que’n voi
Eras tòns gojatetas
Un bèth toish que carrejan !
E jogar-ne que’n voi
Era meura deth guindolh
De color deth brastèr,
Tant trenda que no’stè !