Paraulas : JL Lavit
Anem shans miar arrueit, la pesca va estar bona :
La lua qu'ei ardona, amics aquesta nueit
Abans de har-se dias, que cau estar tornats
Tà dab nostas amigas demorar ambraçats.
Répic :
Amics la mar qu'ei bèra, que podem marejar
L'andada que n's espèran gahem-nos a shirgar,
Au mast botem la tela, lo cèu b'ei clar e beth
Qu'i lugreja estela ganidant lo vaishèth.
Atau lo pair cantava en partir marinèr
De mori's non condava, malaja qu'es neguè,
Qu'ei per un ser d'auratge lo naviu qui's virè,
E lo pair suu ribatge la mar mort que'u tornè.
La mair tota soleta, praubòta shens arren
Que biu dens la hreita, que soi lo son sosten,
Shirguem, òc, shirguem viste : que la vedi la-baish,
Que voi anar de tira, getar-me hens sons braçs.