Jan

(Los de Nadau)

Lo còr com un dimenge
Que va com a vint ans
Mès que plau lo dimenge
E n'èi pas mei vint ans.
Atau se'n va la vita
Com l'aigueta entà l'arriu,
Atau se'n va la vita
Com la prima entà l'estiu.

Òh, Jan,
Lhèva lo cap, cap au sorelh,
N'ei pas vertat tot n'ei pas vielh,
Jamei.
Òh, Jan,
Lo pair disè que dab los plors
I a de qué har ua cançon
D'amor.

Tà quant de temps enqüèra
L'arròsa sus l'arrosèr,
Tà quant de temps enqüèra
Las aulhas auràn aulhèrs.
Tostemps cridar colèra
Per un chic de dignitat,
Tostemps segar las sègas
N'ei lo còr esperrecat.

E tirar sus la còrda
E non pas clucar los uelhs,
Non pas seguir la mòda
Ni tanpòc quitar lo pèis.
E pelejar tot dia
Tà poder demorar viu,
Lo monde sus l'esquia
Shens jamei estar lo Bon Diu.

Fermer