C.Despourrin
Répic :
L’amor lo plus sincéri
Non t’ei arren,
Qu’aimas d’estar leugèra
Qu’ei ton plaser.
D’autas s’i son pecadas
Sens pensar mau
Qué las an cajoladas
Bèth drin com cau.
Après las an leishadas,
Atau, atau.
Mon Diu ! quina sofrença
M’as-tu causat
Per quina préferença
M’as deleishat ?
Quan disès que m’aimavas
Tant tendrament,
Lavetz tu que’m trompavas
Cruelament
E qué’t felicitavas
De mon turment.
Lèisha estar, si’m vos créder,
Aqueth pastor
Qui sovent te vien véder
Com hasi jo.
Pren garda la glissada,
Lo pas qu’ei doç,
Si’t lhevavas trompada,
Quinas dolors !
Avisa ti, mainada,
Gara los plors