Créaciou
Eths sègle qu’esparica eths tribalhs entàu mounde
Eras gouyates, eths gouyats qu’an à parti enlà.
Mes, d’ores e de sasous, que-s hèn segui la rounde
Deths soubenis aymats deth païs bigourdâ.
Répic:
Mountagnes pirenées dera nouste joenesse,
Qu’an tan e tan cantat boste ta beroy noum
Que boulérem tabé que nouste cante estesse
La séguide e la fé qui sàuben deth desbroum.
Que-t beyem, quan em loegn, ô nouste terre aymade,
Païs ou nem bayùts mesclat de berds e blus
A que boulérem hort que sie aci saubade
La tignoùse bertat qui hè camîs de luts.
Téyts de lousats pentiàts aù gran bén dera coste,
Deth bilatje d’Ibòs dab la gleyse quilhade,
Que-b decham, quan s’em bam, mes qu’empourtam de boste
La calou deths mouméns cantats per Hesteyade.